شاهندات

أهلا بك زائرنا الكريم * يشرفنا انضمامك إلى منتدى شاهندات الخاص بالبنات
شاهندات

للبنات فقط ( ممنوع دخول الرجال )


    مـــوقـــف خطـــيــــر...!!

    شاطر

    ريحه هلي

    عدد المساهمات : 21
    السٌّمعَة : 0
    تاريخ التسجيل : 09/03/2011

    مـــوقـــف خطـــيــــر...!!

    مُساهمة  ريحه هلي في الجمعة 11 مارس - 11:08

    صباااح//مساااء الخــيـــــــــــــــر
    قريت موضووووع في احد المنتديات وعجبني وحبيت أنـــقـــلــــــه لــــــــكــــــــــــــــــــم



    اول شي احب اعطيكم فكرة عن شغالتنا


    شغالتنا يا كرام مطفوقة الى ابعد حد يعني لما نشوفها جايبه الشاهي نعلن حالة الطوارئ وننزل البزران للملاجئ


    لانه عادي عندها تشيل 13 إبريق شاهي بيد و10 دلال قهوة بيدها الثانيه وتمشي صافطه الطبلون يعني كنها تصاقط ظلالها


    انا اقول لأمي احس انها مسكونه بجني كان يشارك في اختراق الضاحية
    تصدقون شرينا جهاز تعلقه معها علشان امي لما تبيها تناديها بالجهاز بس للأسف علشان سرعتها صار الجهاز ما يلقط الارسال


    يعني لو تبي تعذبها خلها لا تتحرك بس ثواني
    وبعدين عادي تناديها وتسالها عن شي ما تدري الا هي رايحه ومخليتك.... مو تطنييش لا بس دباشه



    انا احس انها ما قد شافت بشر ولا تدري وشلون يتعاملون مع بعض


    تقدرون تقولون انها مخروشه وفي روايه اخرى سبيكه



    المهم انا صار لي معها موقف قوي


    مرة وانا رايح لغرفتي( عاد غرفتي ما اروح لها الى مره بالسنه )<<طول حياتي بالمقلط

    المهم وانا ادخل غرفتي وانا مروق وتوني جاي من المدرسه وفرحان ومبسوووط .. وانا من عادتي اني ادخل غرفتي وبعدين اعطي الباب كعب قوي واصكه واقفل غرفتي


    واطلع السيستيك وانطله على المخده مع انه دايم يطيح ورى السرير وابلش ادوره

    خخخخخخخخخخخخخ


    وافسخ ثوبي واحطه في مكانه المعتاد اللي هو على الارض
    بعدين اشيل فنيلتي واصفطها لين تصير مثل الكوره واشوتها على

    زاويه من زاويات الغرفه..
    بعدين سروال السنه<<<< اموت واعرف ليه سموه كذا ... بعدين الشيعه وش يسمونه سروال الشيعه خخخخخخ


    يعني ما يبقى على الا سروال النص
    المهم حمامي الله يعزكم جوا غرفتي


    المهم يوم فسخت ثوبي قعدت قدام المرايه اتميلح واكلم روحي وانكت شوي وامسك المشط واتخيله مكروفون واغني الامااااااااااااااااااااا اكن يعني قمة الطرب



    واستعرض عضلاتي والعب كراتيه مع صورتي بالمرايه .. واكلم نفسي بالمرايه واقول بتعقل انت والا يععععع كععععع
    وارفسه برجلي خخخخخخخخ <<حاله نفسيه



    وبقية الحركات اللي انا دايم اسويها بشرط ما يكون عندي احد
    عاد انا دايم انهي حركاتي هذي بقفزه على السرير وكنت دايم وانا انط اقول دووووووق فليــــب<<< هذ اسم اللي كان يسوق كريندايزر <<< ايقالك شرح الحين


    عاد وانا اناقزوبين السماء والارض حانة مني التفاته<<< الله اخيراً قلت حانه من زمان وانا ودي اقول هالكلمه
    المهم يوم حانة مني التفاته للحمام وش شفت
    ياتي (اسم شغالتنا) .... واقفه بوسط الحمام وماسكه مكنسة وسطل وهي منصدمه




    قلت لها يااااااااااااااتي خييييييييييييررررر وش عندك .. زي العاده ما ردت رجعت مرة ثانيه بالاشاره اسالها وش عندك كل هذا وانا بين السماء والارض ما بعد وصلت السرير<<<< ما يكذب ابــــــــد



    وجلسنا اناظر بعض اللي يشوفنا يقول والتقى الحبيبان وانا ودي اخذ المكنسة اللي معها واكنس البهاق اللي بوجهها


    ثم امسك راسها وادخله بوسط السطل اللي فيه مويه علشان اشوف من وين ينسم راسها


    واصرخ عليها يا دبشه يا بقره يا ثور ورى ما تكلمتي وعلمتيني انك هنا
    وكالعاده كنكم تكلمون جدار
    المهم لاني عارفها دريت انها يوم سمعت صوتي انخرشت ولا درت وش تسوي
    وبذهانتها الخارقه قالت بقعد هنا ومهب شايفني .... لعنبو دارك ودار مخك



    المهم اني قلت لها خلاص امشي اطلعي وانا ابي افتح باب غرفتي اسمع امي جايه لغرفتي وتناديني


    يا سلاااااااااااااااااااام على الحظ


    انا والشغاله بغرفة نومي والغرفة مقفله وانا كاسي عاري ما علي الا سروال نص
    يعني امي لو هي عمياء بيروح علطول بالها لذاك الشي


    يعني التهمة لبساني لبساااااني


    علشان تعيشون معي الموقف
    انا ما علي الا سروال نص والشغاله جنبي واقفه ,,,والباب مقفل وورى الباب امي
    وانا اعرف امي ماراح تروح الا اذا فتحت الباب


    وامي جايه تدور سلك التلفون المهم
    وصارت تمشي وتدور سلك التلفون وهي تقووول افففففففف وين ودت السلك هالشغاله
    خخخخخخخخخ

    اذ بها يوم سمعت امي تقول (وين ودت السلك هالشغاله) اذ بها بأعلى صوتها تقول... فوق مكتبه يا ماما


    انا من قوة غبائها والحركة اللي سوتها ما استوعبت الموقف قعدت لحظات علشان مخي يتعرف على هالموقف بس ما لقى اي موقف مشابه قد مر عليه يعني سبق مو صحفي سبق غبائي لهالشغاله
    الادميه ذي ذكائها خارج التغطيه الا مخها منتهي الصلاحيه هذي طفرة في الدباشه


    المهم انا صرت ما اسمع لامي صوت مدري هي سمعت الشغاله والا لا
    يوووووم جت المصيبه


    وانا واقف عند الباب اتسمع والشغاله جنبي
    اذ بياتي تمسك عروة الباب وتبي تفتحه فرمقتها <<<< حلوه رمقتها ذي صح خخخخخخخخخخ


    المهم رمقتها بعيني يعني وش تبين قالت لا بابا افتح الباب لا بابا حرااااااااااااااااااااااا اااااااااام لا بابا ايش يبغى انت لا بابا انا حرمه كبير انا حرمه فيه بيبي حرااااااااااااااااااااام بابا
    ياسلااااااااااااااااااااا ااااااااااااااااام الاخت فاهمه غلط تحسبني اسوي كل ذا علشااااني ابيهااااااااااااااااااااا ااااااا


    مدري اضحك والا اصيح والا وش اسوي فيها


    من زينك انتي ووجهك اللي كأنه رسمة ولد بالروضه عيون يبيلها كروكي علشان تلقاها وخشم افنس كأنه محول غاز


    المهم الآدميه مصره تفتح الباب وما دريت الا هي فاتحه القفل وامي جنب الباب تقول ,,,, ياتي!!!! ياتي انتي هنا


    وقبل ما تفتح امي الباب دورت بسرعه سروال السنه مدري الشيعه ولقيته على الارض وامد ايدي باخذه.<<<يعني اذا لبست بتنحل القضيه
    ... في هاللحظه فتحت امي الباب


    ولا لقيت تصريفه لوضعي وانا ماد ايدي للارض باخذ سروالي الا اني لا ارادياً قلت
    اللللللللللللللللللللللله اكبررررررررررررررررررررر<< <<< ايه سويت نفسي اصلي واسجد خخخخخخخخخخخخخخخخخخخخخخخخخ خخخخخخخ


    وش اسوي ما لقيت اي تصريفه وبعدين ما ابي امي تسالني عن شي فاحسن شي اسوي نفسي اصلي


    المهم اني في نفسي اقول يارب انها ما تلاخظ اني اصلي وانا شبه عاري
    امي دخلت وتنحت شوي بعدين قالت للشغاله وش قاعده تسوين لكن كالعاده الشغاله اكلت تبن وسكتت وطلعت


    وقفت امي شوي وانا قاعد اصلي واقول في نفسي اشوى انها ما انتبهت اني متفسخ


    المهم شوي الا و يوم قالت لي اجل تصلي هاه !!!!!!!!!! وانا اللي ابلع ريقي مو بس ريقي الا حتى اللوز بلعتها



    قالت اجل تصلي,,,, زين بس ترى القبله غرب وانت تصلي شرق


    وطلعت وصبخت بالباااااب بقوووووووووووه
    يوووووووووووووووووووووووو وووووووه انوااااااااع الصدماااااااات يا ساتر وش اسوووووووي
    واقعد افكر يارب وش اسوي والله اني مظلووووم <<<<<<رحمتوني صح


    واقعد افكر وافكر ,,,,, قلت احسن حل الصرااااحة واللي يصدق يصدق واللي مو مصدق لا يصدق


    ولا انتبهت لنفسي الا بعدين طول فترة تفكيري وانا قاعد اكمل صلاتي خخخخخخخخخخخخخخ


    المهم لبست ملابسي ونزلت ورحت لامي وهي من هوووول الموقف قاعده تتنافض وتحتري ابوي << يا ويلي من الشايب
    يوم جيت صرخت بوجهي لا تكلمني ولا تلمسني ابعد
    قلت اسمعي
    الصدق مجراه والكذب مفراه
    قالت وشو
    قلت الصدق منجراه والكذب مفتراه
    قالت وش تقول انت
    قلت اففففف الصدق زين والكذب شين وشوله الفلسفه


    وقعدت اقولها كل اللي صار واحلف ايمان واقسم بالله واجيب المصحف واحلف قدامها
    والحمد لله لان امي واثقه فيني صدقتني


    بس مدري ليه بيسفرون الشغاله بعد يومين<<< الى الحين ما فهم انهم سفروها لانهم ما صدقوه خخخخخخخخخخخخخخخخ



    بالنهايه احب انصح اخواني الشباب انتبهو تتفسخون بغرفكم وعندكم شغاله اسمها صليحه<<<< متعوب عليها النصيحه خخخخخخخخخخ



    شاهنده
    Admin

    عدد المساهمات : 334
    السٌّمعَة : 3
    تاريخ التسجيل : 25/07/2010
    العمر : 30

    رد: مـــوقـــف خطـــيــــر...!!

    مُساهمة  شاهنده في الجمعة 11 مارس - 20:54

    يسلم اياديك

    [ندعوك للتسجيل في المنتدى أو التعريف بنفسك لمعاينة هذه الصورة]


    _________________


    [ندعوك للتسجيل في المنتدى أو التعريف بنفسك لمعاينة هذه الصورة]


    [ندعوك للتسجيل في المنتدى أو التعريف بنفسك لمعاينة هذه الصورة]




    ريحه هلي

    عدد المساهمات : 21
    السٌّمعَة : 0
    تاريخ التسجيل : 09/03/2011

    رد: مـــوقـــف خطـــيــــر...!!

    مُساهمة  ريحه هلي في السبت 12 مارس - 5:43

    مشــــكوره على المـــرور.. I love you

    شيري
    مشرف

    عدد المساهمات : 259
    السٌّمعَة : 3
    تاريخ التسجيل : 25/07/2010
    العمر : 20

    رد: مـــوقـــف خطـــيــــر...!!

    مُساهمة  شيري في السبت 12 مارس - 23:28

    يسلمو


    _________________
    [ندعوك للتسجيل في المنتدى أو التعريف بنفسك لمعاينة هذه الصورة]

    ريحه هلي

    عدد المساهمات : 21
    السٌّمعَة : 0
    تاريخ التسجيل : 09/03/2011

    رد: مـــوقـــف خطـــيــــر...!!

    مُساهمة  ريحه هلي في الأحد 13 مارس - 4:21

    شـــكــــوره يااااالغـــلا على تواجـــــدك الــعـطــــــــر...

    **سايا**
    مشرف

    عدد المساهمات : 123
    السٌّمعَة : 3
    تاريخ التسجيل : 25/07/2010
    الموقع : بيتنا

    رد: مـــوقـــف خطـــيــــر...!!

    مُساهمة  **سايا** في الثلاثاء 22 مارس - 23:06

    هههههههههههه

    يعطيك العافية وننتظر جديدك


    _________________
    [ندعوك للتسجيل في المنتدى أو التعريف بنفسك لمعاينة هذه الصورة]

      الوقت/التاريخ الآن هو السبت 10 ديسمبر - 1:17